ببالي افكار ومواضيع كثيره ولكن ...... للأسف بدون سبب مالي خلق اكتب شيء... :(
ولكن من باب التجديد .... قلت لنفسي اكتب ولو معلومة صغيرة على ما يصير لي خلق ....
هذي ابيات حلوه :
أحـبـبـتـهـا سـمـراء كـالـخـمـرِ*** والـشـعـر اسـود نـاعــم عـذري
والـوجـه أشـرق نـوره فـبـدا *** بـدراً أضـاع محاسـن الـبـدري
سـجـد الـجـمال لحسنها ولها ***ورى الــسجود لـغـيرهـا يزري
عـجبا لهذا الوجد يعـصـف بي*** حتـى غـدوت ضحية الـفـكري
والـوجـه أشـرق نـوره فـبـدا *** بـدراً أضـاع محاسـن الـبـدري
سـجـد الـجـمال لحسنها ولها ***ورى الــسجود لـغـيرهـا يزري
عـجبا لهذا الوجد يعـصـف بي*** حتـى غـدوت ضحية الـفـكري
*******
وهذي طريقة إعداد قهوى على شان الناس الكلاسيك .. الناس الراقية شوية ... الناس اصحاب الذوق الروعة
(قهوة المارس )
المقادير
1ملعقه متوسطه نسكافه
2ملعقه متوسطه كوفي ميت
1مارس الحجم الكبير كاس ماء مغلي سكر حسب الرغبه.
الطريقة تخلط جميع المقادير بخلاط الكاس الكهرائي ثم يجمل بمبشور كاكاو فليك.
ملاحظ: ممكن استبدال المارس بـ جالكسي كراميل أوكاكاو أولكر المربعات أواي نكهه خليط شراب الموكا بالتوفي .
********
على طاري المزاج ....... انا ريال احب المزاج
ودي اقضي هالعطلة ... بمكان جذي من عنده اقتراح
طبعا هذي الهاواي بس انا ما ادل فيها شي ....!!
وهذي ما ادري بس يقولون والعتب على الراوي ... تايلند
اما هذي الخياليه الي صج موطبيعية هذي كيرلا بالهند :
امممم اما الحين الي يعطيني اقتراحات بعزمة على عطير :
شكرا
هناك 37 تعليقًا:
شكلها القهوة لذيييذة بس يمكن المارس يخليها ثقيلة شوي ..
هانوفر في المانيا (قرية صغيرة قريبة من هامبرغ) .. مكان أخضر حالم و هادي جدا ..
بس ماراح تلقى مكان تفرغ فيه الطاقة السلبية و تهدي فيه اعصابك مثل مكة والمدينة
اقول .. الاقتراح وصل .. جهز العصير ما عليك امر
شفيكم على هاواي
;pp
كوكتيلك صغير ما يشبع:) إي والله يبيله قهوة تعدل مزاج الدراسة شوي وأتوقع بجرب المقادير مع كاكاو فيه كراميل ..
أما بالنسبة للمكان فأتوقع هاواي لايعلى عليها :) .. طبعا قاعدة أحكم من وجهة نظر ناس وايد أعرفهم رايحيلهاووايد مدحوها و تقدر تلاقي نوع الخصوصية اللي تبيها .. هم في جزر موروشيوس "مادري شلون تنكتب" بس هم وايد مدحوها.. إذا كنت صج معزم فأقدر أسأل عن الأماكن بالتحديد..
هالمكانين إذا كنت تفضل وجود مناطق ساحلية وبحر صافي وخضرة..
أما إذا كنت تبي بس طبيعة بدون بحر ولا ساحل فكل مكان بأوروبا حلو خصوصا ألمانيا بس أهم شي ما تسكن في عواصم الدول..
على طاري المزاج.. طق مزاجي ذيك المرة ورحت شريت كتاب لماذا من حولك أغبياء والصراحة وايد عجبني ما كنت متوقعة الموضوع ينكتب بصياغ حلو جذي ما شاء الله.. فأشكرك على إقتراحك..
شكرا على البوست ..
العين :
ممكن تغيرين المارس الى اي نوع من الككاو
اممم المانيا ا ابي ارووح لها الحين
احس يبيلها اعداد
ولكن الاقتراح وصل .. واضعها في الحسبه
تستاهلين العاصير ... بدزله على الفاكس
؛)
**********************
why me :
نبي نغير جو :D
****************
مستعدة
الله
اشكركي صراحه
والله صج من قلب الحمد لله بديت احس ان لكلماتي الي اكتبها فايده
لما اشوف الناس تستفيد من شيء كان لي فيه سهم .. بتوصيل المعلومة .
تستاهلين الكتاب
الحمد لله
واعتقد ان اقتراحج القهوى بالتوفي هم حلو .
واقتارحاتج للسفر حلوه
بس الهاواي سهله نحصل على الاماكن والمناطق
بس الثانية الي قلتي عنها
ما اعرف عنها شيء
بس اذا تفيدينا فيها اكون لج شاكر
لاني جد قاعد احاول ... اضبط لي سفره
حلوه اغير فيها جو
صباح الخير
اول شي قبل لا اعلق !!!
انت متى نزلت هالبوستات
!!
معقوله كل هذا طايفني
؟؟؟
اتصدق اني دايما امرك بس ماا كنت اشوف اخر 3 بوستات
:((
امبي ليش ؟؟
عن جد اليوم بس اكتشفت هالشي ومن الصدمه قاعده اقلب في مدونتك واقول اكيد مو مدونته لي من وصلت لبوست خبر زواجك اهني تاكدت انه بلوقك :(((
المهم ,,,
خوش كوكتيتل ...بعدين ليش ضايق خلقك ,,,اخذ زوجتك وتوكل على الله وغير جو واكسر الروتين وشهر عسل يديد
حجه وحاجه
؛)
والصور تونس حلوه البحر يبيله جو صيفي دافي
ونايس بيكجر
وشكرا على الكوكتيل حلو
تحياتي
:)))
صبا:
صباح النور
لا ساعات البلوق يصير غبي وتنح
ومايعرض الاخيرة الجديده بس الظاهر انه معاج ... كان نحيس ما عرض 3
والله عاد قديمة البوستات
بس ....
واصله يا صبا ... مكانج واضح
وبعدين انتي رايج جذيي اروح اسافر
خلاص العن ابو الروتين
والله لأسافر ... بس مع ربعي :)
توني قبل لا اكتب الرد كنت قاعد اكسر ميزانيتي :D
احنا من النوع الي على قده لي بغى يسافر يكسر مزانيته ويرجع مفلس
ولا شلون اصير كويتي اصيل
ههههه
بتشكرلك يا صبا
بعد السلام
مشكور علي الكفي
وعبال الشربات ودمت بخير وإلي
الأمام دوماً وأبدا
عيل روح هاواي
لول
;pp
MR.PRESIDENT :
تسلم يا الحبيب
شاكرلك مرورك
********************
why me :
امممممممم يبيله هاواي
بس على حسب القروب
الله بالييني بقروب فلس
ضبطيلي جدول حق هاواي اعطييج تذكرة
؛)
الصورة اللي تسأل عنها شايفها بمجلة لطيران الإمارات وحاطينها بجزر المالديف،
وإذا بغيت دولة "للراحة والاستجمام " مثل مايقولون فعندك عدة دول كلها جزر لا يعلى عليهم بس مشكلتهم إنهم غاليين وحتى تذاكرهم غالية.
1- جزيرة موريشوس (رحتها مرتين وآخر مرة كانت شهر العسل)
2- جزر المالديف
3- جزر سيشل
هيا
اوكي
خل اكسر حساباتي انا بعد
لوووووول
;pp
يالله عيل فيك ندزه الصمان !!
ودك !! .. بعد كل هالجمال نروح الصمان .. ما ادري ليش !!
ترى يمدحون مدغشقر .. اذا فيك يالله دزيناه :)
تقبل مروري الاول .. اسجل اعجابي بالمدونة الرائعة :)
وتحياتي ..
ويسلموااااااااااااااااا :)
why me :
اوكي اتفقنا
بس عاد على شرط تسوين لي قهوى هناك مثل الي حاطها بالبوست
:)
**************
Q8EL5AIR :
حياك الله الساعه المباركة
تصدق عاد .. قاعد اخطط قبل السفر المحترم هذي
اني اروح الهاف مون بالخبر
كشته
اذا فيك حيل انتخاوا ....هااا
لان سيارتي ما فيه شده على الصمان
الصمان يبيلها يا باني
تشرفنا يا الحبيب
صار
اوكي:)
اولا مشكور على العطير
ومشكور على طريق القهوة
وحياك عندنا في سيلين في قطر
خلفك الكثبان الرملية و الطعوس وامامك البحر بس حاسب من الدول .
why me:
الساعه المباركة
:)
*******************
الكلداري : العفو العفو
شنو هذا المكان
عطنا اسممه وشوية بيانات عنه
على شان تالي نفكر فيه
شكرا على مرورك
اخذ خط الملك فهد واصعد جسر صبحان خذ فوق تحت وبعدها يمين
توصل الهاواي اذا الله سهل
والله وقمت تعرفت تسوي نسكافيه .. الله يرحم ايام القهوة الشقرا المرة .. والله سنعوك الحريمات يا ابضاي :)
نأسف على التأخير في الرد بس لأني توني مخلصة إمتحانات والمشاغل بدت تزيد ما شاء الله.. و قرأت في أحد الردود إقتراحات بنفس الجزر اللي اقترحتهم لك .. ومبين إن عنده خبرة بالموضوع، فإن شاء الله يقدر يفيدك .. والسموحة على التقصير..
الحارث بن همام :
ايي يبا الاول تحول
الهاواي بالسيارة
خوووش سالفه
اضبط اليوكن وان شاء الله نتوكل
القهوى الشقرا ما ننساها ولكن لا بد من الدلع احيانا :)
********************
مستعده :
اممم تمام
المهم شاكر لج مرورج
ان شاء الله خير النتيجه عقب الاختبارات
بشرينا
اقتراحي هو النوم = المزاج
أحس النوم أحلى شي
خصوصا اذا كان بعد ارهاق شعور مريح وحلو ..
ادخل منتدى المسافرون العرب..واسمع راي الناس و اقرأ تقاريرهم عن الجزر الي في بالك ثم قرر
ولا أقولك.. تبي استرخاء؟
اقترحلك
المدينــة :) و التذكرة علي لووول .. موبس انت تعزم :d
HamoOora :
هلا شخباري حيلا من يانا
والله مليت من النوم نمت وايد
ولا النوم انا عندي شي مقدس
نصيحة حلوه وراح آخذ فيها
**********************
'3air
هلا هلا وانتي بعد طولتي الغيبات
عدل صح كلامج الموقع الي قلتي عنه خوش موقع
وبالنسبة حق المدينة مشكورة على العزيمة
انت عطني التذكرة وانا ادبر حالي
:) بغيرها
تايلند ههههه
توني راد من المدينة ما ابي اروح الحين
والله خوش قورب صار
انا معاج و واي ميي :p
هلا اخوي الفنان شحبارك من زمان عنك ياخوك يا انت الي قطعت يا آنا:).
الهاواي وانا اخوك انا دالها شبر شبر افا عليك قولي وين تبي تروح فيها وانا حاضر الهاواي مو فوق العبدلي شوية؟:)
اما القهوة شكلها عجيبة قمت تدش المطبخ من ورانا:)
اقتراحي لك روح كيرلا عشان سايقنا القبلي يهناك وهو يظبطك بالأماكن الزينة.
وين الكوكتيل عطنياه:)
صقر قريش :
هلا والله صقر
ياااه الساعه المباركة
لا انا قطعت شوية
هالايام صاير مو متابع جيد
بس ان شاء الله مدونتك ما تترك مدونة راقية
اهم شي ان الهاواي فوق العبدلي
هذي البصره طال عمرك
واذا تدل فيها يلا فوقه معاك
يمدحونها الشياب يقولون انها فله
اي الدراسة برة وما تسوي لازم ادش المطبخ واغسل الملابس بعد
تصدق مرة غلست ملابسي بإيدي
كانت حالتي صعبة
وعطني رقم سايقكم خل يضبطنا :)
والكوكتيل راح عليك وصل حق صاحبة
ولكن تستاهل يال الحبيب
اخانا الكريم
اعلم ان قمت الانس هو.....الانس بالله
فلا يهم المكان و لا الزمان
ان كان قلبك عامر
استراليا جميلة جدا صيفا و كذلك جنوب افريقيا فيها من الجمال الكثير و من الهدوء النفسي :)
خطير البوست
مشكور على الضيافة الراقية
والله وسعت صدرنا
قهوة وعصير وأماكن خيالية
يسلموووو يافنان
ربي يسعدك
غير معروف : ليت لو تكون معروف
وعلى كل جزاك الله خير
والله احنا وين ما نكون مع الله
تسلم يا الحبيب
*************
بنت احمد :
الله الله الله احس اني كاتب احسن بوست بالعالم على المدح هذا
مشكورة ... لا ترفعين لي وايد
ترى بعدين اشوف نفسي
واقول :
انا ما اقول اني احسن مدون بالعالم ** لكن بوستي كفو وانا ادرابه
الله يوسع صديج في كل وقت
واحنا شنو نبي بالدنيا غير ان الله يرح صدورنا
(( ربي يسعدك ))
والله العظيم ان دعوتج هذي فرحتني
جزاج الله خير
والله يسعدج دنيا واخره
اقول تدل القاهره؟
ترى يمدحون شرم الشيخ
لوووووووووووووول
بانتظار جديدك وعصيرك :)
وآنا عبالي قهوة المارس نحطه على عداله ونصب عليه القهوه ;p
ماشالله استيعاااااااااب:))
الجزر ام الاكواخ بالصورة جنها المالديف ؟
خوووش كوكتيل :)
اقصوصه :
ادل عدل بالقاهرة
بس المرينا اهي مشروعي الجاي
لان خلصت من شرم
****************************
مستعدة :
ان شاء الله بس والله هالايام ما لي خلق
بس خير ان شاء الله .
*****************************
ReLaaaX :
ان شاء الله اعجبتج القهوى
السلام عليكم
صباحك ابها
الظاهر اني متأخرة كثير لكن العتب على الوقت الضيق في الايام السابقه
كوكتيل رائع ومبهج
بوست متميز بتنوعة ولا زلت تبهجنا بجديدك ونترقب هذا الإمتاع بارك الله فيك ..
فتق أساريربهجتي خاصة الصور لكني ما أزال ارى عسير غير
عسى أوقاتك كلها سعادة وبهجة وسرور
ان شاء الله
تسلم على الأبيات الجميلة
القهوة شي وترى بالجلكسي ألذ وعندي مشروع اجرب بالكت كات لأنه الوحيد إللي ما جربت القهوة فيه
الوالد والوالدة الله يطول بأعمارهم ووالدينكم والجميع يا رب .. يقولون هذي قهوة الدلع بس ما في مانع بين فترات التدلع ,, الوالد يحب الكابتشينو
في العصاري وكل يوم قهوة الهيل والزعفران ريحتها تفتح المخ وتنعش الروح وخاصه لو فيه صينية حلا وعاد قهوة أهل عسير والله غير فيها اضافات يمكن البعض ما يعرفها وبالمناسبة تراها بعد قهوة تخسيس بسبب هذه الإضافات والبنات مقبلين عليها بشكل غير طبيعي المهم ما نستغني عنها أبدا
الله يعطيك العافيه على الصور الرائعة المتنوعة ,, والعصير بعد
شكرا مجددا على هالبوست الممتع الذي امتعتنا به ننتظر جديدك
ولا هنت
صج فنان بهذا البوست
يعني جبت احب شيئين على قلبي
القهوه والسفر
والله لو تعزمني على هذا الكوب
وهذا الشاليه روعه واتعب وانا اقول روعه
صج مزااااااج روعه
الغــــ وعندي أمل ــــدوف :
هلا بأهل العسير
يا ليت تعطينا طريقه قهوتكم على شان نجربها
وترى في قهوى بالكيتكات عندي ان شاء الله في بوست جاي بنزلها
انا احب القهوى وايد
وتسلمين على مرورج الكريم
وان شاء الله قاعد ازهب بوست جديد صارلي 3 ايام اكتب فيه
من من طوله من معلوماته
ترقيه
*****************
عــــــابره :
هلا عابرة تسليمن ما عليج زود
انا فنان بوجودكم ...
والله عاد انا هذا مزاجي القهوى والسفر
احلى لحظة عندي اني اشرب قهوى على البحر واكون مسافر وتلفوني مسكر
(( الجهاز مغلق ))
قمت الراحه
وعلى طاري العزيمة حاظرين
تستاهلين كل خير
الكل معزوم
والله اني جربي القهوى هذي وراح تعجبج وغيري فيها على ذوقج
شكرا لمروركي
مرحبا بالفنان
كنت فاضية وجيت هنا قلت بشوف ردك على تعليقي
(( واقول :
انا ما اقول اني احسن مدون بالعالم ** لكن بوستي كفو وانا ادرابه ))
<<<<<<<<<< خطييييييييييير
اعجبتني
حسيت انك بن فطيس بس ذاك شاعر وانت كاتب
يكفي ان البوست معبر وبسيط وصادق
وفيه من طهارة قلبك الشي الكبير
:)
ربي يسعدك ويفرحك قلبك وتعيش حياة رومانسية وحلوة ونشوف بوستات فيها صور عيالك :)
بنت احمد :
مشكورة على الدعوى
عاد عيالي مرة وحده
الله يسمع منج
جزاج الله خير
إرسال تعليق