بلاد العجائب

عودة من جديد ...
نأخذ استراحة .. من المواضيع الدسمة .. الي المواضيع الخفيفة الطريفة .

في يوم عاد مثل كل يوم رجع من الدوام تعبان ... وتغديت وراودني النعاس ....
ولكن ضيف ما زارنيوهو هاجسي الجني .. الفنان ..قلتله ياخوي روح مووقتك هذا خلنا ننام

قال الحق علينا بورقه وقلم ......قمت اركض ...وإذا بيي ...استعد.. و أتهيئ للقصيدة .......

الشاهد نتج لي هذا البيان ...

****************ضمة مشتاقٍ
وأنا المتيم بالهوى وطـريحة ...*** هـلا رحمتـم بالوصـال تعـللي
فهو الـدواء لداءنا وشفـاءنا *** جودي علي بذي الدواء و أجـملي
هي ضمـة أو نصفها ..أو رشفة *** لا تمنـعيها بالحــياء وتخـجلي
أنا لا أريد بأن أموت على الهوى *** في غفلة الحب العظيم وأنجلـي
بعناق غانيتي ولثم شفــاهـها *** ســـأنـال غاية مطلبي ..وتـأمـلِ
الفنان
********

و كما كان بن بطوطة يتحدث ..عن رحلاته...وأسفاره ..سأتحدث عن بعض ما رأيت في بلاد العجائب .. وام الغرائب
وام الدنيا كما اطلق عليها < مصر> ..

هذي الديرة الي من اول ما توصل.. ويبدأ معاك الفلم الكوميدي.. من باب الطيارة
والبطل في هذا الفلم يكون من صنع يدك .. وعلى قد فلوسك ...وتحس بعض الاحيان انك اكثر طرفة من عادل امام :)

بالمناسبة ...سأعطيكم معلومة من باب الخبرة في هذا البلد الخطير ...<< الي يسافر مصر وما ينصب عليه خل يتأكد يمكن يكون ما راح مصر راح مكان ثاني >> حتى المصري ينصب عليه ؛)

الشاهد ..هذه بعض الصور والمواقف الممتعة تفرجوا عليها
هذا الطفل العملاق ..قصته قصة ..اسمه حموود .. ويبيع علوج يقعد ينفخ فوق راسك لي تزهق منه وتشتري قصب طيب .. تشتري
اطلقنا عليه اسم : حمووووود حلويات
وهو اسم على مسمى

لاحظ ايده الثنيتين ما تفضى ما شاء الله من الحلويات والعصير...:)
الي بعده

هذي الصدة ... انك تشوف لوقو او شعار كبير شعار له سمعه على شي حقير

ركزوا شوية
وشوفوا هذي

اهم شي انهم حاطين شعار البشر والكاظمي وكلاء مرسيدس بنيز بالكويت .. انا بالاول استغربت منها وقلت مستحيل وكاله من اقوى الوكالات بالكويت تورد مثل هذي السيارات العجيبه ... ولكن لما شفت ان العلامة بدت تنحط على الجنبين عرفت ان السالفه موضة والي يبي يكشخ يحط الشعار هذا ... وهم على نوعين مماعرفت :
1_ واحد فاهم انها من الكويت ويبي يرز نفسه ان سيارتي ترى مستورده من الكويت
2_ واحد ما يدري شطبخه بس يغلد شاف الناس حاطه وحط

Hard Rock : يا سلام عليك يعني حركات إسم مطعم و بالأصح ديسكو بمصر ... يعني حركات عجيبه
انا ماادري إذا أهو فاهم شنو أهو كاتب ... وإلا مطعم قوي وحط إسمه ولا النقشه الي على السيارة شي مش معقول .. ولا الرنقات لأ لأ برجع أبيع سيارتي بالكويت
آسف آسف يمكن يكون يوصل طلبات..... :)

عالم غريب والله

وتقليد الماركات بعد هذي سالفه ثانية نشوف
مثلا :

هذا بسكوت تقليد ..( بوريو..) يعني يكون بسكوت ( أوريو .. )

ناهيك عن محل الملابس النسائي.. ( فانغو ) يكون الحبابيب ( مانغو)

ترى ما كو فرق بس حرف الي بي مصر عادي خل يشتري منه

خوو من قال بنات الكويت يدلعون ما يلبسون الا ماركه ... لا حشى محد قال !!

**************************

*والحين من الصور بنتقل الى سوالف التكاسي عاد وبختم فيها البوست لانها بورحها فلم ما يخلص
... بسم الله اول ما تركب ...
الاخ منين ؟
من السعودية :)
احسن ناس
لالا جد من الكويت
وانا ألت ( قلت) كدى برضو انت شبهك كويتي وكمان احسن ناس ما كلنا مسلمين .....( لان توهق )

بص لو عايز تسهر ولا حاقه انا تحت أمرك !!
لالا انا مو تبع هذي السوالف
ايه ده الكلام الي يفتح الصدر والله الواحد لازم يحافظ على صلاته ويخاف ربونا
يا ابن الأيه توك تبي توديني اسهر !!
لالا انا ما بحبش الكلام ده بس انت عارف ده اكل عيش يفرها المصري بسرعه
تيي تبي تنزل تسأل
كم الحساب ؟
خل عنك خالص ......(( يعني كريم يكون ))
تعطيه الي يستاهل .. يتهاوش معاك لا المشوار طوييل ومش عارف ايه ... والبانزين غلي (( ارتفع جم جنيه وذبحونا ))

في مواقف كثير لكن لن اطيل كعادتي ... :)

شكرا تحياتي الفنان